Monografiyada o'zbek va tojik adabiyotining atoqli namoyondasi Sadriddin Ayniy hayoti va ijodi haqida ma'lumot beriladi. Yozuvchi asarlaridagi qahramonlar nutqida ishlatilgan hisob so'zlar imkon darajasida tahlil qilingan. Ulug adib asarlaridan olingan parchalar yosh avlod badiiy olamini boyitishda, shuningdek, kitobxonlik madaniyatini oshirishda katta hissa qo'shadi deb umid qilamiz. Zotan, badiiy asarlar o'quvchi dunyoqarashi va tafakkurini o'stirishda muhim vosita hisoblanadi. Sadriddin Ayniy ijodini o'rganish, anglash o'sha davr tarixi, madaniyati va sivilizatsiyasini yaqindan bilishda asosiy manbalardan biridir. Monografiya tayanch doktorant, boshlang'ich ta'lim, sport va tarbiyaviy ish ta'lim yo'nalishi (5111700) talabalari, umumiy o'rta ta'lim maktabi o'qituvchilari uchun mo'ljallangan.